هو ليه النظام بيعامل الشعب علي انه شعب لسة في رابعة ابتدائي؟
ليه يقرروا يذبحوا الخنازير دلوقتي و هم عارفين ان الخنزير ملوش أي علاقة بانفلونزا الخنازير اللي هي بتتنقل ما بين البني أدمين؟
الحكومة طبعاً قررت من سنة ٢٠٠٦ ان موضوع تربية الخنازير في مقالب الزبالة دي ما عادتش نافعة و انه لازم الخنازير دي تتنقل برة القاهرة.. و ده كلام جميل.. منتفذش ليه؟
مصطفي الجندي نائب في مجلس الشعب مصطفي الجندي قال من يومين في برنامج حواري انه قدم طلب احاطة باعدام الخنازير من سنة تقريباً و تم رفضه خوفاً انه ده يؤدي لفتنة طائفية!!!!
أنا ما كانتش عارف ان الحكومة بتخاف من المسيحيين كدة! يعني هم عارفين ان ده ذبح الخنازير أو نقلهم خارج القاهرة هو أفضل للصحة العامة و البيئة بس قالك بلاش أحسن المسيحيين يزعلوا.. و حبوا يستغلوا موضوع انفلونزا الخنازير علشان يعملوا اللي كانوا المفروض يعملوه من سنتين.. بس علي مين؟ بردو المسيحيين زعلوا!! و مش بس كده دول كمان هددوا باللجوء لأوباما!
نفسي أعرف بقي هو النظام ده هيفضل لإمتي مش بيعمل اللي المفروض يتعمل علشان خايف من الناس؟
يعني بلاش نذبح الخنازير أحسن المسيحيين يزعلوا
و بلاش نحاكم الناس اللي بيتهموا في حرق بيوت البهائين أو محلات الأقباط أحسن المسلمين يزعلوا
و بلاش نلغي الدروس الخصوصية أحسن المدرسين يزعلوا
و بلاش نلغي الدعم أحسن محدودي الدخل يزعلوا
8 comments:
وبلاش نكتب عشان الريس والحكومة ما
تزعلش
تحياتى
أحييك بقوة
Mina..
Personally, I don't think it's a religious denomination issue. I think the Egyptian government is doing what it always does best. It takes the shortest and most convenient road to achieve what it wants whether it's in the best interest of the public or not. In this case, they probably figured that killing all the pigs would be easier or more efficient than having to set up proper farms or transport. As usual, it is extremely retarded and self absorbed, not to mention stupid. They didn't exactly deal with the bird flu any better. The disease is spread by humans not pigs yet pigs have to be slaughtered, the same way the birds were. And no one is thinking outside of the box. It seems like they don't see the big picture. Eliminating an entire species from the country will have a severe impact on the ecosystem there.
أؤيد قرار الذبح وتحويل مقالب القمامة دي لشيء مفيد زي بقية دول العالم المحترمة..الوقاية أهم وصحة الناس أهم حتي لو كان الخنزير دلوقتي مش مصاب بس صدقني لو حصلت لخنزير واحد حتتحول لوباء خصوصا مع إستشراء الجهل
بخصوص أوباما..زور مدونتي بقي واتفرج علي أغنية خنزيري الحلو وأنت حتفهم
:))
تحياتي
عم مينا اقرا الموضوع ده للكاتب الهامي الميرغني عن أزمة ذبح الخنازير تعرف البلد بقت عاملة ازاي ...!!!ه
http://www.ahewar.org/debat/show.art.asp?aid=171012
حياة
أيوة بالمرة علشان كلنا نرتاح
fathys
شكراً جزيلاً و منورني
wandering scarab
You are right.. the thing is that they wanted to transport these pigs to proper farms outside the city.. and this was actually decided back in 2006.. but as usual nothing was done.. no proper farms were prepared and no mean of transportation was decided.. and it seems that for the past 3 years, they were just waiting for this swine flu to start so they take the shortest way hehe
مايكل
أنا موافقك تماماً بس كلعادة دايماً فيه ناس بتصطاد في المية العكرة
بالمناسبة الأغنية جامدة جداً
hicham
شكراً علي المقال
و هو فعلاً مميز و يستحق التوقف عنده
يا سيدي ما تزعلش
ماحنا بقي لنا فوق ٣٠ سنة بناكل هوا
وساكتين علشان العراعير ما تزعلش
والله معاك حق يا هلالي
يعني هي جت علي صحاب الخنازير يعني
Post a Comment