من ساعة ما أعلن البيت الأبيض ان أوباما سيلقي خطابه الموجه للأمة الإسلامية من القاهرة و الصحف القومية بتهلل و تزمر للقيادة السياسية علي الإنتصار العظيم.. و مقال محمد علي ابراهيم رئيس تحرير الجمهورية هو من أكتر المقالات تهليلاً و تزميراً.
طبعاً مقالة تفطس من الضحك.. بيقولك فيها ان ايران و قطر و الإخوان هيموتوا من الغيظ ان أوباما جاي عندنا.. بس القيادة المصرية عارفة من زمان انه جاي.. بس احنا بعمل في صمت و متواضعين و مش بتوع حركات و انهم كانوا عاوزين مبارك يروح أمريكا يوم ١١ مايو بس هو قالوهم مش فاضي.. عندي التزامات و شغل كتير لو فاضي احتمال أعدي عليكم في اخر الشهر هاها
الحفلة الإعلامية دي هي خير دليل علي ضعف هذا النظام و انه مش لاقي أي حاجة يتباهي بيها أدام العالم و أدام شعبه و انه قرر اختزال مصر بتاريخها و حضارتها في شخص الرئيس مبارك.
علي السادة رؤساء التحرير أن يعلموا ان اختيار أوباما للقاهرة لالقاء خطابه الموجه للعالم الإسلامي سببه حضارة عمرها ٧٠٠٠ سنة و تاريخ لشعب عظيم و ليست لحكمة الرئيس مبارك و حنكته السياسية
3 comments:
مقالة كوميدية فعلاً
: )
يا عم دول عاوزين أي حاجة يتلككوا بيها عشان يقعدوا ينفخوا في صورته ويقولولنا البقين بتوع النظام المصري وحكمته
بس سيبك أنت..أنا بجد معجب بالراجل أوباما ده لحد دلوقتي
يا رب يفضل علي كده وميطلعش زي المخبول اللي قبليه
تحياتي
اصبحت مصابة بتقزز عالي المستوى من كل الرؤساء و اولهم اوباما
تقلي ليه
اقلك مش مستريحاله
الفيران كلها عاملة مهرجان في عبي
Post a Comment