من ساعة مقتل مروة الشربيني الملقبة بشهيدة الحجاب و الكل بيتكلم عن عداء الغرب للإسلام و المسلمين و عن تطرف الأوروبيين و كل ما تقول لحد "يا عم ده هو واحد متعصب و مش طبيعي.. بلاش نععم" ، يقولك لأ هما كلهم بيكرهونا. الموقف ده يؤكد الشيزوفرينية اللي بنعاني منها و اننا بنكيل دائماً بمكيالين.. لأن كل ما حد يقول ان الإسلام دين عنف و الدليل علي كده أسامة بن لادن بيترد عليه بإن ده تعميم لأن أسامة بن لادن لا يمثل المسلمين و أما واحد طعن مسيحي أدام كنيسة في أسكندرية و خرج الأقباط في مظاهرات.. اتقالهم ايه يعني واحد متعصب و كمان مختل عقلياً لكن قاتل مروة أصبح في لحظة يمثل الغرب الفاسق الفاسد
يا سادة أحب أفكركم ان سبب مقتل مروة هو ان الغرب الفاسق الفاسد ده ما سابش حقها و حكم علي الراجل ب ٢٨٠٠ يورو تعويض لوصفه لها بالإرهابية في وقت تسب فيه جميع الأديان و المعتقدات في بلدنا علي الهواء مباشرة من غير ما حد يتغرم قرش صاغ
2 comments:
يا عم مينا .. أنا معاك في كل ما قلت بالحرف .. بس المحك الحقيقي هو بماذا سيحكم على الرجل بعد هذه الجريمة؟
القضاء الألماني محترم و زي ما جابلها حقها في قضية السب هيجبلها حقها في قضية القتل
Post a Comment