وداعاً أسامة أنور عكاشة

رحل عنا أروع كاتب سيناريو في الدراما التليفيزيونية و أفضل من عبر عن المصريين و منحهم أصدق صورة عنهم. مسلسلات أسامة أنور عكاشة هي أروع دراسة للشخصية المصرية في ال١٠٠ سنة الأخيرة

من ينسي ليالي الحلمية و أرابيسك و الشهد و الدموع و الرايا البيضا و أبو العلا البشري و زيزينيا و ضمير أبلة حكمت و امرأة من زمن الحب و أخيراً ملحمة المصراوية؟

وداعاً أسامة أنور عكاشة

الحزب الوطني من أجلك انت

مرشح الوطني بحلوان للمواطنين: انتخبوني بإرادتكم بدل ما آجي غصب عنكوا

 أثارت تصريحات إسماعيل نصر الدين مرشح الحزب الوطني في انتخابات التجديد النصفي لمجلس الشورىبمحافظة حلوان استياء أهالي الدائرة من الذين حضروا حفل تكريم أقامته شياخة الحزب الوطني بمدينة 15 مايو.

ففي بداية كلمته نقل المرشح إسماعيل نصر الدين ، تهديده لناخبي دائرته الانتخابية بأنه سينجح رغما عنهم إذا لم يصوتوا له بإرادتهم!.

وقام المرشح بـ"تعديد انجازات وهمية للوطني بمدينة 15 مايو"، قبل أن يصرح: "بصوا أنا مش هتكلم عن الإنجازات كتير، أتمنى تنتخبوني بإرادتكم، وأجي بأصواتكم بدل ما آجي بطرق تانية انتو عارفينها كويس، واللبيب بالإشارة يفهم".

المصدر: مصراوي

احنا فعلاً كل يوم بنثبت ان احنا دولة رائدة زي ما صفوت الشريف دايماً بيقول.. أتحدي ان يكون في دولة في العالم فيها مرشحين بيهددوا المرشحين علشان ينتخبوهم.. 

نظام يتنفس طواريء

الخبر ده بتاع ال٨ أشخاص اللي تم القبض عليهم في دمنهور علشان بيجمعوا توقيعات علي بيان الجمعية الوطنية للتغيير. طبعاً اللي حصل ده عادي جداً.. و مش حاجة جديدة.. بس هو كان فيه قانون كده تم تعديله من كام يوم علشان تقتصر الإعتقالات دي علي المشتبهين بجرائم الإرهاب و المخدرات.. القانون ده اخباره ايه معانا؟ طيب ما كانوا يستنوا شوية لغاية ما الناس تنسي.. مش كده يعني

الناس تقول ايه علي النظام دلوقتي؟ كداب؟ ما بيطبقش القانون؟ طب و فيها ايه ما هو حتي مش بيطبق الأحكام القضائية؟ اشمعني هيطبق القانون يعني؟ و بعدين هما ليه مدوا الطواريء سنتين و عدلوا القانون؟ ما كانوا ممكن يلغوها خالص.. و بردو يقبضوا علي اللي هما عاوزينه.. هما بيهمهم حد؟

الطواريء مستمرة طول ما النظام ده قائم.. حسني مبارك يحكم البلد ده من أكتر من ٢٩ سنة.. مفيش ثانية منهم  ما كانتش في ظل قانون الطواريء.. يعني هو ما يعرفش يعني ايه دولة تتحكم بالقانون العادي أصلاً

سقطة جديدة للصحافة القومية

بالصوت والصورة.. نجل أيمن نور غشاش

في واقعة موثقة بالصوت والصورة ضبط عميد المعهد العالي للسينما الطالب شادي أيمن نور متلبسًا بالغش في امتحان مادة التاريخ وتذوق الفن التشكيلي بالفرقة الأولي بالمعهد. كان الدكتور عادل يحيي عميد المعهد يتفقد لجان الامتحانات، عندما فوجئ بأستاذة بالمعهد تقف بجوار أحد الطلاب وتمليه إجابات بعض الأسئلة

بررت الأستاذة فعلتها بأنها تترجم الأسئلة للطالب من العربية إلي الانجليزية التي يجيدها، تم تحرير محضر بالواقعة، وتبين أن الطالب وهو نجل أيمن نور المدان بالتزوير في توكيلات حزب الغد. وبجانب واقعة التزوير تبين لعميد المعهد أن الطالب شادي أيمن نور محروم من دخول الامتحان، ولكن وكيلة المعهد سمحت له بدخول الامتحان، دون علم العميد، فتقرر إحالة الطالب للتحقيق

المصدر: روزاليوسف

 الخبر اللي فوق ده اتنشر امبارح بنفس الصيغة دي في جميع الصحف القومية المصرية اللي المصريين بيدفعوا مصاريفها من ضرايبهم  . سقطة جديدة بعد سقطة الأهرام الإسبوع اللي فات باتهام اسراء عبد الفتاح بالعمالة، جه الدور علي شادي أيمن نور الوحش الغشاش. المشكلة هنا ليست في حقيقة الخبر نفسه بالذات بعد نفي عميد مهعد السينما للواقعة، لكن السؤال هو كل واحد بيتمسك بيعش في امتحان بينزله خبر في الجرنال بعنوان فولان الفولاني الغشاش؟ كان ناقص يحطه صورته كمان في صفحة الحوادث زي ما بيعملوا مع قتالين القتلة. لحد امتي هيستمر النظام في التعامل مع المعارضة بالأسلوب الرخيص ده؟ 

شعار المرحلة

أحمد موسي يتهم اسراء عبد الفتاح بالعمالة... بدون أدلة

فريدم هاوس الأمريكية تتحدي القانون المصري

القاهرة ـ من أحمد موسي‏:‏

في تحد صارخ للقانون المصري‏,‏ وتصعيد يدعو إلي القلق‏,‏ قررت منظمة بيت الحرية الأمريكية المعروفة باسم فريدم هاوس‏,‏ التعامل مباشرة مع القوي السياسية‏.ودون الحاجة إلي وسيط لتمويل أنشطتها المختلفة وحركتها خلال الفترة المقبلة وتأتي هذه الخطوة غير المبررة‏,‏ والتي تكشف عن الدور الذي تلعبه قوي سياسية وكيانات غير شرعية في تنفيذ الأجندة الأمريكية‏,‏ سواء بالعمل علي القيام بأعمال تتجاوز فيها القانون‏,‏ وتهدف إلي تعريض سلامة الوطن للمخاطر‏,‏ وفي محاولة للقفز علي القوانين المصرية‏,‏ التي تحظر تلقي كيانات سياسية لأموال‏,‏ وهي لا تعمل وفقا لمنظمات المجتمع المدني المشهرة والتي تمارس نشاطها طبقا للقانون‏.‏ ولجأت المنظمة الأمريكية إلي هذه الطريقة في مرحلة الحراك السياسي الذي تشهده مصر‏,‏ وفي ظل ما يجري الآن علي الساحة لإجراء انتخابات مجلس الشوري‏,‏ وتعتزم المنظمة الأمريكية فريدم هاوس‏,‏ توجيه أموالها إلي المدونين المصريين‏,‏ وأبرزهم الناشطة إسراء عبدالفتاح‏,‏ وثيقة الصلة بالمفرج عنه صحيا لاتهامه في قضية تزوير توكيلات حزب الغد أيمن نور‏,‏ علي أن تحول هذه الأموال علي الحسابات الشخصية مباشرة من واشنطن‏,‏ لمراقبة الانتخابات الخاصة بالتجديد النصفي لمجلس الشوري‏.‏ ويعد هذا التحرك الغريب من المنظمة الأمريكية‏,‏ منافيا لما طرحته وفود المؤسسة الأمريكية التي التقت مسئولين مصريين في الفترة الأخيرة بشأن الرغبة في عدم قيامها بأنشطة تحريضية لكيانات وشخصيات غير شرعية‏,‏ وهو ما يطرح الثقة في أهداف ومصداقية المؤسسة الأمريكية أمام المحافل المختلفة‏,‏ ويثير هذا الأمر علامات الاستفهام والشك والريبة في الأهداف والمواقف المعلنة وتلك التي تتم في السر‏,‏ لكنها مكشوفة ومفضوحة‏..! المصدر: الأهرام الخبر ده في الصفحة الأولي للأهرام.. الأهرام دي المفروض الجريدة الرسمية للدولة.. بذمتكم في جرنال محترم يكتب خبر في بالطريقة دي؟ اللي كتب الخبر ده مش صحفي.. ده أمين شرطة.. فين الأدلة؟ فين البراهين و لا هو أي حد ممكن يكتب عن أي حد انه بياخد فلوس و انه عميل أمريكاني.. و بعدين يعني ايه الفريدوم هاوس هتبعت الفلوس علي الحسابات الشخصية؟ ايه الجنان ده؟ و ايه اللي حشر اسم أيمن نور في الخبر؟ و ليه اسم البرادعي ما اتحشرش بالمرة؟  و ايه موضوع تعريض سلامة الوطن للخطر؟؟ هو ليه محسسنا ان الوطن ده ست عجوزة و هما بس اللي واخدين بالهم منها.. و ايه موضوع الأجندة الأمريكية دي كمان؟ هو فيه حد بينفذ الأجندة الأمريكية أحسن من مبارك؟