ليس دفاعاً عن الكنيسة

الكل متابع في الاسابيع اللي فاتت حالة الجنون الطائفي اللي اصابت المصريين.. طبعا أنا مش بأدعي ان الحالة دي جديدة ولا حاجة, احنا الحمدلله الناس عندنا متجننين من فترة طويلة.. ولكن زي ما تقول من فترة للتانية بيحبوا يعبروا عن الجنان ده بصورة رسمية لحسن حد يفتكر انهم كفل الشرعقلوا ولا حاجة 

بداية المسألة ترجع الى واقعة اختفاء كاميليا شحاتة زوجة قس بدير مواس ثم هدأت المسألة شوية بعد ظهورها و اعلانها ان اختفاءها كان بسبب خلافات زوجية ليس أكتر. ولكن لأن البلد دي مش مكتوب لها الهدوء فبدأت تظهر صور لكاميليا وهي ترتدي الحجاب وخرج البعض يؤكد انها أشهرت اسلامها وان الكنيسة تحتجزها في احدي الاديرة زي ماعملت مع وفاء قسطنطين

و أثناء هذه الأحداث اختفت فتاة اخري في الاسماعيلية و كالعادة خرجت المظاهرات القبطية في الكاتدرائية وتم الرد عليها بمظاهرات في مسجد عمرو ابن العاص و مسجد القائد ابراهيم ضد الكنيسة و البابا شنودة مطالبين أمن الدولة بفك اسر كاميليا.. و خد بالك ان النظام سايب المظاهرات من الجانبين وغالبا مبسوط بيها..  نظام أهو الناس ملهية في حاجة بدل مايقرفونا بالفساد والتوريث والمادة 76 والاشراف القضائي علي الانتخابات.. لكن يوم ماتنزل مظاهرة تقول "لن نورث بعد اليوم" الأمن ينزل يضرب المتظاهرين ويعتقلهم لأن طبعا هي دي المظاهرات اللي بتمثل خطر علي البلد.. أما مظاهرات الكنائس والمساجد فدي شقاوة شعب مش أكتر

المهم بعد كده بدأت حرب الفيديوهات علي اليوتيوب فخرجت فتاة الاسماعيلية تعلن للجميع اسلامها بكامل ارادتها و طبعا رد 

المسيحيين بفيديو لكاميليا تؤكد فيها تمسكها بمسيحيتها وانها متواجدة في الدير بكامل ارادتها

بعدين دخلت جبهة علماء الازهر علي الخط و طلعت قالت للناس انتوا هتلعبوا من غيري ولا ايه؟ وراحت رازعنا بيان "قاطعوهم"  اللي بيدعو لمقاطعة المسيحيين مقاطعة كاملة حتى تعود الكنيسة لرشدها.. يلا كنا ناقصينهم دول كمان

وبعدين خرج علينا الأنبـا بيشوي في حديث للمصري اليوم قال فيه ان "الاقباط أصل البلد" والمسلمين "ضيوف حلوا علينا".. طبعا كلام ملوش أي لازمة وجي في توقيت سخيف ويدل عن جهل شديد لأن المسلمين اللي موجودين في مصر هم في غالبيتهم العظمي أقباط أسلموا مش من سكان الجزيرة العربية.. فهل كانوا أصحاب بلد وبعدين بقوا ضيوف أما أسلموا؟

المهم مفيش يومين وراح الأنبا بيشوي ضارب ضربته التانية وتسأل أذا كان بعض أيات القرآن قد تم اضافتها في زمن متأخر 

لاحظ ان الانبا بيشوي هو الرجل التاني في الكنيسة ومرشح بقوة لخلافة البابا شنودة.. ودي حاجة تخلي اللي بيحبوا واللي بيكرهوا البابا شنودة يتمنوا له طولة العمر

كل ده كوم واللي قاله د. محمد سليم العوا في برنامج بلا حدود (جزء 1, جزء 2, جزء 3, جزء 4, جزء 5) علي قناة الجزيرة كوم تاني.. الراجل قرر يحمل كل مشاكل الفتنة الطائفية للكنيسة و ان كل حاجة بدأت من قصة وفاء قسطنطين و كأن المسلمين والمسيحيين كانوا سمن علي عسل قبل 2003 و اتهم الكنيسة بجلب اسلحة من اسرائيل وتخزينها في الاديرة انتظارا لليوم اللي هيطلعوا يقتلوا بيها اخوانهم المسلمين وكلام تاني عن تقسيم الدولة واعلان دولة مستقلة للاقباط.. كلام فارغ مش عارف ازاي يطلع من واحد معاه دكتوراه وكمان موضوع الاسلحة طلع ان واد مستورد بمب ومراجيح من الصين و مادفعش الجمارك

و أنا لست بصدد الدفاع عن الكنيسة.. اولا لأن الكنيسة مؤسسة كأى مؤسسة تخطيء وتصيب.. وثانيا ان الكنيسة مسئولة جزئيا عن كتير من المشاكل الموجودة بسبب عزلهم للأقباط عن المجتمع وعند قيادتها في بعض القضايا التافهة اللي ما تستهلش في الوقت اللي بيتنازلوا في قضايا اهم بكتير

ولكن تحميل الكنيسة الليلة كلها فيه ظلم كبير ليها لأن الكنيسة في اوقات كثيرة كانت بـتلتلزم الصمت من اجل عدم اشعال الفتنة الطائفية رغم الظلم اللي كان بيبقي واقع علي الأقباط.. اسباب المشاكل بين المسلمين والمسيحيين اللي بقالها أكتر من 30 سنة معروفة و واضحة وضوح الشمس.. وهي حالة التدين الشكلي اللي اصابت المصريين و دخول أفكار جديدة علي المجتمع تحس علي كراهية الاخر.. الثقافة الجديدة دي هي اللي عملت الازمة المستمرة من ساعة حادثة الخانكة في 1972 وحادثة الزاوية الحمرا في 1981 (هي كانت سنة نحس من اولها).. الثقافة دي هي اللي خلت واحد زي د.سليم العوا يعتبر انه بيمثل الاسلام الوسطي المعتدل.. طبعا أما واحد قبطي يشوف حلقة الجزيرة ويقولوله ان ده الرجل المعتدل الهادي الوسطي.. ماتزعلوش بقي أما يروح ينتخب جمال مبارك

لازم الناس تفهم فرق   توابع المشاكل دي علي المسلمين من ناحية والاقباط من الناحية التانية.. أما المسلم بيسمع كلام الانبا بيشوي فبيغضب وده حقه.. أما القبطي بيسمع كلام د. سليم العوا فبيخاف.. لانه ببساطة بيقولك أذا كان الرجل المعتدل فيه في قلبه كل الكراهية والطائفية دي امال لو الاخوان المسلمين مسكوا هيعملوا فينا ايه؟

لو كنتوا  عاوزين  الاقباط يبقي ليهم مشاركة فعالة في مستقبل مصر ويشاركوكم في المطالبة بالتغيير واسقاط  النظام اللي كابس علي انفاسكم  من 30 سنة.. بطلوا تخوفوهم

دكتوراة سوزان مبارك

الدكتوراة

بقلم بلال فضل

غداً ستذهب السيدة سوزان مبارك، قرينة رئيس الجمهورية، إلى جامعة القاهرة لكى تتسلم درجة الدكتوراة الفخرية. بالطبع صور لها مسؤولو لجامعة أن الجميع عن بكرة أبيهم سعداء بمنحها الدكتوراة التى اهتموا بها أكثر من اهتمامهم بتطوير مستوى التعليم فى الجامعة التى خرجت من كل تصنيفات الجامعات المحترمة فى العالم. بالطبع سترى السيدة الأولى لافتات المحبة التى نصبوها لها، والطلاب الذين سيتراصون أمامها، والأساتذة الذين سينحنون لها، لكن بالطبع فإن أحدا من مسؤولى الجامعة لن يريها البيان الذى وقعه نخبة من أجدع أساتذة الجامعات المصرية الرافضين لمنحها الدكتوراة، ولعلها تكون فرصة لكى تقرأه سيادتها معك، فتعرف أن هناك حقيقة حاول مسؤولو الجامعة إخفاءها خلف آلاف الجنيهات التى أنفقت على اللافتات والزينات والواجهات البراقة.

«نرفض النفاق والاستغلال السياسى للجامعة.. بيان حول منح درجة الدكتوراة الفخرية للسيدة سوزان مبارك. تلقى الموقعون على هذا البيان من أعضاء هيئة التدريس بالجامعات المصرية خبر منح جامعة القاهرة درجة الدكتوراة الفخرية للسيدة سوزان مبارك بمزيج من الشعور بالإهانة والألم والغضب. فمن المهين لكل أستاذ جامعى أن يستخدم اسم الجامعة المصرية العريقة التى تمثل رمزاً للكفاح الوطنى فى غايات شخصية، إذ لا نتصور أن يكون منح الدكتوراة الفخرية للسيدة سوزان مبارك قد تم إلا لأغراض تخص المسؤولين فى الجامعة وفى قسم الاجتماع بكلية الآداب الذين دفعوا بهذا الاقتراح من الباحثين عن المناصب والراغبين فى التقرب من السلطة. ومن المؤلم ألا نجد فى مجلس كلية الآداب أو فى مجلس جامعة القاهرة من يرفض هذا النفاق الرخيص ويفضحه.

 ولا نملك إلا أن نغضب لتكرار استغلال اسم الجامعة فى مظاهر النفاق السياسى والتزلف للسلطة، فقد سبق أن منحت جامعة القاهرة درعها لعدد من أقطاب الحزب الحاكم منهم السيد/ كمال الشاذلى وقت أن كان من أصحاب النفوذ، بينما رفضت مجالس متعاقبة للجامعة منح درجة الدكتوراة الفخرية لعلماء أفذاذ يُشرّف الجامعة انتسابهم لها مثل (أمارتيا سان) عالم الاقتصاد السياسى المعروف و(محمد عبدالسلام) عالم الفيزياء الحائز على جائزة نوبل. إن من أبسط مبادئ الخلق العلمى والأكاديمى ألا يمنح التكريم الجامعى لأصحاب السلطة، وأن ينتظر الراغبون فى تكريم هؤلاء (إن كان هناك مبرر حقيقى للتكريم) لحين ابتعادهم عن السلطة. لذلك فإننا نعلن إدانتنا لهذا القرار الشائن وندعو كل زملائنا من الجامعيين لإدانته بكل الصور وفضح من اتخذوه من محترفى النفاق وعبدة المناصب.

الموقعون: د. أحمد الأهوانى (هندسة القاهرة)، أ.د. أحمد دراج (آداب بنى سويف)، د. أحمد عبدالمقصود (آداب القاهرة)، أ.د. أحمد عيد الغبارى (تربية السويس)، أ.د. إلهام الزناتى (المركز القومى للبحوث)، أ.د. أمينة رشيد (آداب القاهرة)، أ. د. أميمة مصطفى الحناوى (طب القاهرة)، أ. د. إيمان المحلاوى (هندسة القاهرة)، د. إيمان يحيى (طب قناة السويس)، أ.د. جمال حشمت (الدراسات الطبية بالإسكندرية)، د. حنان سبع (الجامعة الأمريكية)، أ. د. رفعت غنيم (طب قناة السويس)، د. ريم سعد (الجامعة الأمريكية)، أ. د. سالم سلام (طب المنيا)، د. سحر الموجى (آداب القاهرة)، أ. د. سعيد النشائى (هندسة القاهرة بالمعاش)، د. سلمى مبارك (آداب القاهرة)، أ. د. سيد البحراوى (آداب القاهرة)، أ. د. شادية الشيشينى (هندسة القاهرة)، د. صادق نعيمى (آداب المنوفية)، د. صلاح السروى (آداب حلوان)، د. طارق سيد أحمد (علوم القاهرة)، أ. د. عايدة سيف الدولة (طب عين شمس)، أ. د. عبادة كحيلة (آداب القاهرة)، أ. د. عبدالجليل مصطفى (طب القاهرة)، أ. د. عبدالله سرور (تربية الإسكندرية)، أ. د. عصمت زين الدين (هندسة الإسكندرية)، أ. د. عمر السباخى (هندسة الإسكندرية)، د. فاتن مرسى (آداب عين شمس).

أ. د. كمال نجيب (تربية الإسكندرية)، د. ليلى سويف (علوم القاهرة)، أ. د. ليلى موسى (طب الإسكندرية)، د. ماجدة أنور (آداب المنوفية)، أ. د. مجدى قرقر (تخطيط عمرانى القاهرة)، أ. د. محمد أبوالغار (طب القاهرة)، د. محمد طلعت (هندسة القاهرة)، أ. د. محمد لمعى الملاح (علوم القاهرة)، د. محمد نافع (هندسة القاهرة)، د. محمد هشام (آداب حلوان)، أ. د. محمود حامد النابى (علوم القاهرة)، أ. د. مديحة دوس (آداب القاهرة)، أ. د. معتزة محمد خاطر (علوم القاهرة)، أ. د. مصطفى كامل السيد (اقتصاد وعلوم سياسية القاهرة)، د. ملك رشدى (الجامعة الأمريكية)، أ. د. ممدوح حمزة (هندسة قناة السويس)، أ. د. منال المنياوى (طب القاهرة)، أ. د. نبيل يوسف (علوم القاهرة)، د. نفرتيتى مجاهد (علوم القاهرة)، أ. د. نيللى حنا (الجامعة الأمريكية)، د. هالة كمال (آداب القاهرة)، د. هانى مصطفى الحسينى (علوم القاهرة)، د. هبة رؤوف (اقتصاد وعلوم سياسية القاهرة)، أ. د. هبة مشهور (آداب القاهرة)، أ. د. هداية مشهور (آداب القاهرة)، أ. د. هدى أباظة (آداب عين شمس)، أ. د. وحيد خليل (علوم القاهرة)، د. يحيى القزاز (علوم حلوان)».

أعتقد، والله أعلم، أنه بعد ثلاثين عاما على الأكثر لن يذكر أحد إذا كانت السيدة سوزان مبارك قد حصلت على الدكتوراة الفخرية، كما لم يعد يذكر أحد بعد ثلاثين عاما الدكتوراهات التى حصل عليها حكام العهد السابق وقريناتهم بسيف الحياء وذهب الرياء، لكن بالتأكيد سيذكر التاريخ أنه كان هناك فى مصر رجال ونساء، قليلون فى عددهم لكنهم أكابر فى مقامهم، رفضوا أن يكونوا خدما فى بلاط السلطان، وأثبتوا أن العلم أمانة وموقف ومسؤولية وليس شهادة معلقة على الحائط، لذا أتشرف بضم توقيعى إلى هذه القائمة المجيدة تضامنا معها وتأييداً لبيانها، وأدعوك ألا تحرم نفسك من هذا الشرف، سائلا الله أن يجعل توقيع كل من سيوقع على هذا البيان فى ميزان حسناته يوم القيامة، حتى وإن كان سيُحسب فى ميزان سيئاته فى هذه الأيام الكئيبة

المصدر: المصري اليوم بالمناسبة جامعة القاهرة شالت صورة البرادعي من بين صور الحاصلين علي الدكتوراه الفخرية من الجامعة.. طبعا أصل اش جاب لجاب.. وكمان منعوا الطلبة من دخول الجامعة

ازهي عصور الفوتوشوب

 وائل خليل  النهاردة عامل فضيحة للأهرام. الجريدة الأقدم في الوطن العربي عملت حتة فوتوشوب كده علشان الريس يبقي ماشي في المقدمة في صورة بتجمعه بأوباما و الملك عبدالله وأبو مازن ونتنياهو و كأن زعيمنا المفدي هو اللي بيقود عملية  السلام

ايه التفاهة دي؟ أنا بقول الاهرام تقفل بقي بدل قلة القيمة دي

و يا عيني الريس طالع في الصورة الأصلية بيحاول يلحق العالم التانية بس مش لاحق.. أمال فين الناس اللي بتلهث وراه في القصر الجمهوري؟